ڤۆلۆدیمیر زێلێنسکی، سەرۆکی ئۆکرانیا ڕایگەیاند، بەهۆی هێرشە ئاسمانییەکانی رووسیا بۆ سەر وڵاتەکەی، ٢ کەس کوژراون و دەیان کەسیش بریندار بوون.

زێلێنسکی ڕایگەیاند کە رووسیا هێرشی بەرفراوانی بۆ سەر وڵاتەکەی کردووە. ناوبراو ڕایگەیاند کە هێزەکانی رووسیا بە زیاتر لە ٦٥٠ فڕۆکەی بێ فڕۆکەوانی و زیاتر لە ٥٠ مووشەک هێرشیان کردووەتە سەر وڵاتەکە، لەوانەش مووشەکی بالیستیک و هایپەرسۆنیک.

زێلێنسکی ڕایگەیاند، لە هێرشەکاندا ٢ کەس کوژراون و دەیان کەسیش بریندار بوون کە ٥یان منداڵن، هەروەها هەندێک بینای شوقەیی و بەشەناوخۆیییەکی خوێندکاران بە تایبەتی لە شاری زاپۆریژیا زیانیان بەرکەوتووە.

زێلێنسکی هێرشەکانی رووسیای وەک "جەنگی تیرۆریستی دژی ژیان" وەسف کرد و داوای لە کۆمەڵگەی نێودەوڵەتی کرد کە ڕوبەڕوی هێرشەکانی رووسیا بۆ سەر خەڵکی مەدەنی بن.

زێلێنسکی وتی، "پێویستە هەنگاوی نوێ بنرێت بۆ زیادکردنی فشارەکان لەڕێگەی سزای لاوەکی لەسەر پیشەسازی نەوت و غازی رووسیا و سیستەمی دارایی رووسیا و ئەوانەی پارەی ئەم جەنگە دەدەن. سوپاسی هەموو ئەو کەسانە دەکەم کە کار بۆ ئاشتی دەکەن."(İLKHA)